بەپێی سەرژمێری گشتی ژمارەی دانیشتوانی قەزای شارەزوور 73766 هەزار کەسە

وەزارەتی پلانادانانی عێراق ئاماری دانیشتوانی بەپێی سەرژمێری گشتی کە ساڵی ڕابردوو ئەنجامدرا بڵاوکردەوە بەپێی ئامارەکان ژمارەی دانیشتوانی قەزای شارەزوور 73766 هەزار کەسە، دەکاتە ڕێژەی لەسەدا 3.07% دانیشتوانی پارێزگای سلێمانی . ی.س

وەزارەتی پلاناندانان ژمارەی دانیشتوانی پارێزگاکانی عێراق بڵاوکردەوە

دوای یەک ساڵ لەئەنجامدانی سەرژمێری گشتی دانیشتوانی عێراق وەزارەتی پلاناندانانی عێراق ژمارەی دانیشتوانی پارێزگاکانی عێراق بڵاوکردەوە ژمارەی دانیشتوانی هەموو عێراق 46,118,793 ملێون کەسە. 23,161,604 ملیۆن ڕەگەزی نێر 22,957,189 ملیۆن ڕەگەزی مێ ژمارەی دانیشتوانی پارێزگاکانی هەرێمی کوردستان بەمشێوەیە: ① پارێزگای هەولێر/ 2,517,534 ملیۆن کەس ② پارێزگای سلێمانی/ 2,401,724 ملیۆن کەس ③ پارێزگای دهۆک/ 1,599,871 ملیۆن کەس ی.س

بەڕێوەبەری گشتی بازرگانی هەرێم؛ لەمساڵدا قۆناغی دووەمی پڕكردنەوەی فۆڕمی ئەلیكترۆنی پسووڵەی خۆراك دەستپێدەكات

بەڕێوەبەری گشتیی بازرگانی هەرێم رایدەگەیەنێت، لەمساڵدا قۆناغی دووەمی پڕكردنەوەی فۆڕمی ئەلیكترۆنی پسووڵەی خۆراك دەستپێدەكات و هاووڵاتیان دەتوانن منداڵی تازە لەدایكبوو تۆمار بكەن و نوێكردنەوەش بەردەوام دەبێت. نەوزاد شێخ كامل، بەڕێوەبەری گشتیی بازرگانی هەرێم، ڕایگەیاند: نوێترین ئاماری پڕكردنەوەی پسووڵەی خۆراك لەلایەن هاووڵاتیانی هەرێمی كوردستانەوە گەیشتووەتە 93.91% ئەمەش ڕێژەیەكی باشە و لە قۆناغەكانی ئایندەدا ئەو كەمتر 7% ی ماون كەڕێژەكەیان نزیكەی 294 هەزار كەس دەبێت، دەتوانن پسووڵەی خۆراكەكانیان پڕكەنەوە. ڕاشیگەیاند: هەر لەمساڵدا دەست بە قۆناغی دووەم دەكەین، كە بریتییە لە زیادبوونی منداڵ و تۆماركردنیان وگواستنەوەی پسوڵەی خۆراك لە شار یان گەڕەكێك بۆ گەڕەكێكی دیكە، هەروەها خۆتۆماركردنی ئەو كەسانەی لە قۆناغی یەكەمدا كارتی نیشتمانیان تەواو نەبوو بوو، دەتوانن هەر بە مۆبایلەكانیان فۆڕمی داكاری پڕبكەنەوە و نوێكردنەوەش بەردەوام دەبێت. بەڕێوەبەری گشتیی بازرگانی هەرێم، لەبارەی پڕكردنەوەی پسووڵەی خۆراك لە سەر ئاستی پارێزگاكان ڕایگەیاند: تا ئێستا لە پارێزگای هەولێر 94.14%، لە پارێزگای سلێمانی 93.68%، لە پارێزگای دهۆك 93.67% و لە پارێزگای هەڵەبجە 96.80% ی هاووڵاتیان پسووڵەی خۆراكیان پڕكردووەتەوە. ی.س

لە ٢٤ کاتژمێری ڕابردوودا بڕی 9.8 ملیم لەشارەزوور باریوە

بەپێی ئاماری کەشناسی کشتوکاڵی شارەزوور لە بیست و چوار کاتژمێری ڕابردوودا لەشارەزوور بڕی( 9.8)ملیم باران باریوە. 🔶 کۆی بڕی باران بارینی ئەمساڵ لەشارەزوور گەیشتە ( 47) ملیم ♦ساڵی ڕابڕدوو تا ئەم ڕێکەوتە لەشارەزوور بڕی( 133.9) ملیم) باران باریبوو. ♦کۆی باران بارینی ساڵی ڕابڕدوو لەشارەزوور بڕی( 359.2) ملیم) ی.س

بەوێنە: ئێوارانی زەڕایەن

ئێوارانی زەڕایەن ئەمڕۆ یەکشەممە ٢٠٢٥/١١/١٦

لە ٢٤ کاتژمێری ڕابردوودا بڕی 30.9 ملیم لەشارەزوور باریوە

بەپێی ئاماری کەشناسی کشتوکاڵی شارەزوور لە بیست و چوار کاتژمێری ڕابردوودا لەشارەزوور بڕی( 30.9)ملیم باران باریوە. 🔶 کۆی بڕی باران بارینی ئەمساڵ لەشارەزوور گەیشتە ( 37.2) ملیم ♦ساڵی ڕابڕدوو تا ئەم ڕێکەوتە لەشارەزوور بڕی( 133.9) ملیم) باران باریبوو. ♦کۆی باران بارینی ساڵی ڕابڕدوو لەشارەزوور بڕی( 359.2) ملیم) ی.س

جیاوازی دەنگی لایەنەکان لەهەردوو هەڵبژاردنی پەرلەمانی کوردستان ٢٠٢٤ و هەڵبژاردنی ئەنجومەنی نوێنەرانی عێراق ٢٠٢٥ لەسەنتەری قەزای شارەزوور

بەپێی بەدواداچوونێکی زەڕایەن نیوز دەنگی لایەنە سیاسییەکان لە سەنتەری قەزای شارەزوور، کە لە هەشت بنکەی دەنگدان پێکهاتووە لەهەردوو هەڵبژاردنی پەرلەمانی کوردستان لەساڵی ٢٠٢٤ و هەڵبژاردنی ئەنجومەنی نوێنەرانی عێراق گۆڕانکاری بەسەردا هاتووە هەندێک لایەن دەنگیان زیادی کردووە و هەندێک لایەنی تر دەنگیان کەمی کردووە. بەپێی ئامارەکان لەهەڵبژاردنی پەرلەمانی کوردستان لەکۆی 23811 دەنگدەر 16784 دەنگدەر دەنگی داوە، کە دەکاتە ڕێژەی لەسەدا 70% ، لەهەڵبژاردنی ئەنجومەنی نوێنەرانی عێراق لەکۆی 24766 دەنگدەر 16589 دەنگدەر دەنگیداوە کە دەکاتە ڕێژەی لەسەدا %67 ① یەکێتی نیشتیمانی کوردستان لە هەڵبژاردنی پەرلەمانی کوردستان 3949 دەنگی هێناوە، بەڵام لەهەڵبژاردنی ئەنجومەنی نوێنەرانی عێراق 3281 دەنگی هێناوە، بەمەش 668 دەنگی کەم کردووە. ② پارتی دیموکراتی کوردستان لە هەڵبژاردنی پەرلەمانی کوردستان 1187 دەنگی هێناوە، بەڵام لەهەڵبژاردنی ئەنجومەنی نوێنەرانی عێراق 1192 دەنگی هێناوە، بەمەش 5 دەنگی زیاد کردووە ③ یەکگرتووی ئیسلامی کوردستان لە هەڵبژاردنی پەرلەمانی کوردستان 1404 دەنگی هێناوە، بەڵام لەهەڵبژاردنی ئەنجومەنی نوێنەرانی عێراق 1991 دەنگی هێناوە، بەمەش 587 دەنگی زیاد کردووە ④ ڕەوتی هەڵوێست لەهەڵبژاردنی پەرلەمانی کوردستان 628 دەنگی هێناوە، بەڵام لەهەڵبژاردنی ئەنجومەنی نوێنەرانی عێراق 1512 دەنگی هێناوە، بەمەش 884 دەنگی زیاد کردووە ⑤ نەوەی نوێ لە هەڵبژاردنی پەرلەمانی کوردستان 2206 دەنگی هێناوە، بەڵام لەهەڵبژاردنی ئەنجومەنی نوێنەرانی عێراق 967 دەنگی هێناوە، بەمەش 1239 دەنگی کەم کردووە ⑥ کۆمەڵی دادگەری لە هەڵبژاردنی پەرلەمانی کوردستان 1055 دەنگی هێناوە، بەڵام لەهەڵبژاردنی ئەنجومەنی نوێنەرانی عێراق 957 دەنگی هێناوە، بەمەش 98 دەنگی کەم کردووە ⑦ پارتی سۆسیالستی کوردستان لە هەڵبژاردنی پەرلەمانی کوردستان 875 دەنگی هێناوە، بەڵام لەهەڵبژاردنی ئەنجومەنی نوێنەرانی عێراق 533 دەنگی هێناوە، بەمەش 342 دەنگی کەم کردووە ⑧ بەرەی گەل لە هەڵبژاردنی پەرلەمانی کوردستان 272 دەنگی هێناوە، بەڵام لەهەڵبژاردنی ئەنجومەنی نوێنەرانی عێراق 142 دەنگی هێناوە، بەمەش 130 دەنگی کەم کردووە ⑨دەنگی پوچەڵ لەهەڵبژاردنی پەرلەمانی کوردستان 2149 دەنگ بووە ، بەڵام لەهەڵبژاردنی ئەنجومەنی نوێنەرانی عێراق زیاد بووە بۆ 2942 دەنگ، بەمەش 793 دەنگی پوچەڵ زیاد بووە. ی.س