هاوڵاتیانى خۆشه‌ویست
له‌گه‌ڵ هاتنى شه‌پۆلێكى گه‌رما بۆهه‌رێمى كوردستان و ناوچه‌كه به‌مه‌به‌ستى هۆشیارى و ئاگاداربوونى هاوڵاتیان و خۆبه‌دوورگرتنیان له‌كاریگه‌ریه‌كانى گه‌رما و خۆپاراستن له‌زیانه‌ته‌ندروستیه‌كانى ئه‌م رێنماییانه بڵاوده‌كه‌ینه‌وه.
1- ئه‌گه‌ر زۆر پێویست نه‌بوو له‌كاته‌گه‌رماكانى رۆژ مه‌چووه ده‌ره‌وه له‌ماله‌وه بمێنه‌وه، سوود له‌ئامێره‌كانى فێنك كه‌ره‌وه وه‌ربگره.
2- منداڵ و كه‌سانى به‌ته‌مه‌ن و ئه‌وانه‌ى نه‌خۆشیه درێژخایه‌نه‌كانیان هه‌یه وه‌ك نه‌خۆشیه‌كانى سینگ و دڵ پێویسته له‌ماله‌وه و له‌شوێنێكى فێنك بمێنه‌وه.
3- ئه‌و كرێكارانه‌ى كه‌به‌رده‌وان له‌كاره‌كانیان له‌رۆژ پێویسته تاده‌كرێت خۆیان له تیشكى خۆر بپارێزن و ماوه ماوه پشووده‌ن له‌شوێنێكى سێبه‌ر و فێنك و برێكى زیاتر ئاو و شله‌مه‌نى بخۆنه‌وه.
4- له‌م ماوه‌یه خواردنه‌وه‌ى ئاو و شله‌مه‌نیه‌كان زیاتر بكه‌ن بۆ خۆپاراستن له‌ووشك بوون و كاریگه‌رى تیشكى خۆر.
5- سه‌رجه‌م نه‌خۆشخانه و فریاكه‌وتنه‌كان و ده‌زگاكانى ته‌ندروستى كوردستان له‌ئاماده‌باشی دان و له‌هه‌ر كاتیك پێویست بوو سه‌ردانیان بكه و پزیشكان و كارمه‌ندان له‌پێشوازیتان داده‌بن.
راگه‌یاندنى وه‌زاره‌تى ته‌ندروستى