ماڵپەڕى زەڕایەن نیوز

ماڵپەڕى زەڕايەن نيوز تايبەتە بەهەوا‌ڵ و ڕووداوە‌کاني سنوري زەڕايەن و شاره‌زوور

فەیسبوک گۆڕانکارى ئەنجام دەدات


فەیسبوک گۆڕانکارى ئەنجام دەدات 


دوای ژماره‌یه‌ك زۆر له‌ سكاڵا و ناڕه‌زایی، كۆمپانیای فه‌یسبوك به‌نیازه‌ گۆڕانكاری بكات و له‌به‌ری هه‌واڵ، پۆستی هاوڕێكان زیاتر پیشانی به‌كارهێنه‌ر بدت.

سایتی رۆژنامه‌ی ئیندیپێندنت-ی به‌ریتانیا بڵاویكرده‌وه‌ كه‌ بڕٍیاره‌كه‌ی فه‌یسبوك دوای ناڕه‌زاییه‌كی زۆری به‌كارهێنه‌ر هاتووه‌ كه‌ گوایه‌ به‌هۆی هه‌واڵ و رێكلامه‌كانه‌وه‌، ئه‌و پۆسته‌ نوێیانه‌یان له‌ده‌ست ده‌چێت كه‌ هاوڕێكانیان یان ئه‌ندامانی خێزانه‌كانیان ده‌یكه‌ن.

به‌گوێره‌ی هه‌واڵه‌كه‌، ئه‌م گۆڕانكارییه‌ هه‌رچه‌نده‌ بچوكیش بێت، ره‌نگه‌ كاریگه‌ریی گه‌وره‌ له‌ جیهانی میدیا بكات ئه‌وه‌ش به‌وپێیه‌ی مانگانه‌ یه‌ك ملیار و 65 ملیۆن كه‌س پۆستی نوێیان بۆ ده‌چێت.

به‌وپێیه‌ش بێت هه‌تا پۆستی هاوڕێی به‌كارهێنه‌ر وه‌ستا بێت، چیتر پۆسته‌ گشتییه‌كان له‌ كه‌سان و دامه‌زراوه‌ی دیكه‌ یه‌كه‌مجار له‌لایه‌ن به‌كارهێنه‌ره‌وه‌ نابینرێن.

كۆمپانیای فه‌یسبوكیش رایگیه‌اندووه‌ كه‌ زانیویانه‌ به‌كارهێنه‌ران نیگه‌رانن له‌وه‌ی پۆستی نوێی كه‌سه‌ نزیك و هاوڕێكانیان له‌كیس ده‌چێت، ئه‌م گۆڕانكارییه‌ش بۆ ره‌زامه‌ندیی ئه‌وان و ته‌نانه‌ت مه‌ترسییه‌كانی خودی فه‌یسبوكیش كراوه‌.

له‌ هه‌واڵه‌كه‌دا هاتووه‌، هه‌رچه‌نده‌ ببنینی یه‌كه‌مجاری پۆسته‌ گشتییه‌كان بۆ به‌كارهێنه‌ر دواده‌خرێت، به‌ڵام له‌گه‌ڵ كۆمێنت یان بڵاوكردنه‌وه‌ی هه‌ر هاوڕێیه‌كی به‌كارهێنه‌ر بۆ ئه‌و پۆسته‌، دووباره‌ پۆسته‌كه‌ دێته‌وه‌ لیستی ئاگاداركردنه‌وه‌ی به‌كارهێنه‌ر و ده‌رده‌كه‌وێته‌وه‌ و به‌وجۆره‌ ئه‌ویش پۆسته‌كه‌ی به‌یه‌كجاری له‌ده‌ست ناچێت.


ی.س

ب?اوکردن?و?