ئەمڕۆ یەکشەممە ڕێکەوتی 2024/3/10بەسەرپەرشتی (ئـاوارە حەمەشەریف)بەڕێوەبەری ناحیە. لیژنەی ئەمنی لە دیوانی نـاحیە کۆبوونەوە. بـە بەمەبەستی ئامادەکاری و دانانی پلان بۆ مانگی پیرۆزی ڕەمەزان.
لە کۆبوونەوەکەدا چەند بابەتێک بۆ پاراستنی ئاسایشی سنورەکە باسکرا و لەو بارەیەوە چەند بڕیارێک درا:-
١- داخستنی سەرجـەم کـافتریا و هـۆڵەکـانی بـلیارد و دوکانەکانی پلەیستەیشن لـە ڕۆژانی ڕەمەزاندا بۆ ئەو مەبەستە لیژنە هاوبەشەکان ڕاسپێران بە ئاگادارکردنەوەی شوێنەکان.
٢- پێویستە هەموو خواردنگە و چێشتخانە و کەبابخانەکان لە ڕۆژانی مانگی پیرۆزی ڕەمەزاندا پەردە بۆ شوێنەکـانیان بەکاربهێنن.
٣- لـیژنەکانی بازاڕ ڕاسپێران بـۆ بەدواداچون و ڕێگری کردن لە گران فرۆشی، داخستنی هەر شوێنێک کە گـران فرۆشی بکات.
٤- بەدواداچونی بەردەوامی هێزە ئەمنیەکان بۆ دەستبەسەرداگرتنی ماتۆڕسکیلی بێ سەرەتا و ئەو ماتۆڕسکیلانەکەی کە بوونەتەهۆی بێزارکردنی هاوڵاتیان.
٥- ڕاسپاردنی پۆلیسی دارستان بـۆ دانانی بنکە و بوونی مەفرەزەکانیان لە سەر دەریاچەی دەربەندیخان لەو بەشەی کە پەیوەندی بەسنوری ناحیەوە هەیە بۆ ڕێگری کردن لە ڕاوکردنی ماسی.
٦- بـەدواداچونی بـەردەوامی هێزە ئـەمنیەکان بۆ ناو دارستانی زەڕایەن.
٧- ڕاسپاردنی هۆبەی دارستان و پاوانی بۆ پاراستنی دارستانی زەڕایەن و ئـاگادارکردنی لایەنە پەیوەندی دارەکان لە بوونی هەر ڕووداوێکی نەخوازراوە.
٨- دەست بـەسەردا گرتنی هـەموو جـۆرە کەرەستەیەکی وەک( چەک ، چەقۆ ، ئامرازەکانی تەقەکردن ، بۆکس خنجەر و هاوشێوەکانی) و لـە هەر شوێنێک دەستی بەسەردا بگیرێت دادەخرێت.
٩- بەمەبەستی بنبڕکـردنی ئـەو دیاردانە و سەلامەتی هـاوڵاتیان هێزە ئـەمنیەکان ڕاسپێران بـە چـاودێری کـردنی سەرجەم ئـەو شوێنانە و نـاوبازار و گەڕەک و کۆڵانەکانی سنوری ناحیە لە شەوانی ڕەمەزاندا.
١٠- لیژنەی ڕێکخستنی بـازاڕ ڕاسپێران بـۆ ڕێگری کردن لـەو ئۆتۆمبیلانەی بـەپێچەوانەی ڕێنماییەکـانی هاتوچۆ وە دەوەستن و ڕێکخستنی کاسبکارانی ناو بازاڕ بـەشێوەیەک لەگەڵ ڕێنماییەکانی شارەوانی بگونجێت.
لەم ڕێگەیەوە داواکارین لە هـاوڵاتیانی خۆشەویست، لـە بوونی هەر ڕووداو و کـارێکی گـومانـاوی هـێزەئەمنیەکـان ئـاگاداربکەنەوە بۆ زیاتر پاراستنی ئـارامی و ئاسایش خۆیان و دانیشتوانی سنورەکەمان.
ی.س
ب?اوکردن?و?
