ڕێژەی ئەنجامدراو لەپڕۆژەی دووسایدی زەڕایەن - دەربەندیخان گەیشتە نزیکەی ۲٥٪

بەڕێوەبەرایەتی ڕێگاوبانی سلێمانی بڵاویکردەوە کارکردن لە پڕۆژەی دوو سایدیکردنی ڕێگای دەربەندیخان - زەڕایەن /لۆتی ٦) لە گەڵ ڕێگای گوندەکانی سەر ڕێگاكە(عازەبان ـ چنارە- حەسن گەورە ـ سیارە ـ بیرکێ-قاشتی) بەردەوامە لە هەموو برگەکانی پرۆژەکە بە تایبەت لە برگەکانی برین و پرکردنەوە و پرد و ئاوبارەکان و دیواری ڕاگر و جۆگەی تەنیشت وە ئەم پرۆژەیە لە لایەن بەرێوەبەرایەتی رێگاوبانی گەرمیانەوە سەرپەرشتیدەکرێت و لەلایەن کۆمپانیای بێشکانەوە جێبەجێدەکرێت، ڕێژەی ئەنجامدراو نزیکەی ۲٥٪ ی.س

ڕێکارەکانی تۆمارکردن و وەرگرتنی منداڵان و قوتابیان لە باخچە و قوتابخانە

بۆ/ بەڕێوەبەرایەتییە گشتییەکانی پەروەردەی (هەولێر، سلێمانی، دهۆک، هەڵەبجە، گەرمیان، زاخۆ، سۆران، ڕاپەڕین، خوێندنی کوردی لە کەرکوک) ​بابەت/ ڕێکارەکانی تۆمارکردن و وەرگرتنی منداڵان و قوتابییان/ خوێندکاران لە دامەزراوە پەروەردەییە حکومییەکان ​بۆ بەرژەوەندی گشتی و لە پێناو ئاسانکاری تۆمارکردن، پێویستە گشت دامەزراوە پەروەردەییە حکومییەکان ڕەچاوی ئەم ڕێکارانە بکەن: ​١- هەمان ڕێکارەکانی ساڵی خوێندنی (٢٠٢٥ - ٢٠٢٦) جێبەجێدەکرێت کە بە ژمارە (١٩٩) لە ڕێکەوتی ١٣ ی ٧ ی ٢٠٢٥، گشتاندنی پێکراوە. ٢- وەرگرتن لە باخچەی حکومی: أ- قۆناغی یەکەم: بۆ ئەو منداڵانەیە ڕۆژی لەدایکبوونیان لە نێوان ١ ی ١ ی ٢٠٢٢ تا ٣١ ی ١٢ ی ٢٠٢٢ بێت. ب- قۆناغی دووەم: بۆ ئەو منداڵانەیە ڕۆژی لەدایکبوونیان لە نێوان ١ ی ١ ی ٢٠٢١ تا ٣١ ی ١٢ ی ٢٠٢١ بێت. ٣- پۆلی یەکەمی بنەڕەتی: قوتابییانی لەدایکبووانی ١ ی ١ ی ٢٠٢٠ تا ٣١ ی ١٢ ی ٢٠٢٠. ٤- پڕۆسەکانی وەرگرتن لە باخچەی منداڵان و پۆلی یەکەمی بنەڕەتی و جیاکردنەوەی قوتابییانی دەرچووی پۆلی نۆیەم بەنوبەتی بۆ قۆناغی ئامادەیی لە ڕێکەوتی ١٥ ی ٧ ی ٢٠٢٦ دەستپێدەکات تا ڕێکەوتی ١٩ ی ٨ ی ٢٠٢٦. ٥- پێویستە تا ڕێکەوتی ٣٠ ی ٨ ی ٢٠٢٦ گشت هۆبەکانی پۆلەکان جیاکرابێتەوە و ناوی گشت منداڵان و قوتابییان و خوێندکاران لە سیستەمی (E-parwarda) تۆمارکرابن و ٦ ی ٩ ی ٢٠٢٦ دوا مۆڵەتە بۆ دابەشکردنی بەشەوانەی مامۆستایان و تۆمارکردنی خشتەی بەشەوانە لە سیستەم. ٦- وەرگرتن لە پەیمانگاکان بەگوێرەی ڕێنماییەکانی بەڕێوەبەرایەتی گشتیی پەیمانگاکان دەبێت جگه لە پەیمانگاکانی پیشەیی سیستەمی ئینگلیزی کە پێشکەشکردن بە شێوازی ئەلیکترۆنی دەبێت.

وەزارەتی دارایی و ئابووری؛ ژمارەی فەرمانبەران و مووچەخۆران و سودمەندانی حکومەتی هەرێم لەسەر ئاستی وەزارەت و دەستە و سەرۆکایەتیەکان و پارێزگاکان بڵاوکردەوە لەچوارچێوەی بڵاوکردنەوەی پەرتووکی کارو چالاکی و چاکسازییەکانی وەزارەتی دارایی لە ساڵی ( ٢٠١٩ تا ٢٠٢٥ ) کە ناوەڕاستی ئەم هەفتەیە بەفەرمی بڵاوکرایەوە، لەناوەرۆکی پەرتووکەکە بە داتاو زانیاری و گرافیک ژمارەی تێکڕای میلاکی فەرمانبەران و مووچەخۆران و سودمەندانی هەرێمی کوردستان لەسەر ئاستی وەزارەت و فەرمانگەو دەستەو سەرۆکایەتیەکان و دابەشبونیان لەسەر ئاستی پارێزگاکان خراوەتە ڕوو، کە تەمویلی مووچەی مانگانەیان لەحکومەتی فیدراڵەوە خەرج دەکرێت، هاوکات بەخشتەیەک سەرجەم داتاو زانیاری ئەو فەرمانبەرانەش خراوەتە ڕوو کە مانگانە لەسەر داهاتی ناوخۆ مووچەیان بۆ خەرج دەکرێت. چەند تێبینی و بەرچاو ڕونیەک لە سەر خشتەکانی دابەشبونی مووچەخۆران و بڕی تەمویلی مانگانەیان. ١- بونی دامەزراوە سیادیەکانی وەک سێ سەرۆکایەتیەکەو وەزارەتەکان و دەستەکان لە پارێزگای هەولێر وەک پایتەختی هەرێمی کوردستان، هۆکاری بەرزی ڕێژەی فەرمانبەرانە لەو پارێزگایە. ٢- میلاکی فەرمانگە و وەزارەتە سیادیەکان لەگەڵ هێزەکانی پێشمەرگە و خانەنشینی پێشمەرگە لە پارێزگای دهۆک وەکو میلاک لەسەر پارێزگای هەولێر هەژمارن بەڵام دانیشتوی پارێزگای دهۆکن بۆیە ژمارەی فەرمانبەرو مووچەخۆر لە پارێزگای دهوک کەمترە ، بە هەمان شێوە لە پارێزگای هەلەبجەش هەروایە. ٣- جگە لە ژمارەی فەرمانبەرو مووچەخۆرو وسودمەندان کە ژمارەیان ( ١،١٩٠،٣٩١ ) کەسە، تەمویلی مووچەی مانگانەیان زیاتر لە ( ٩٤٥ ) ملیار دینارە تا کۆتایی ساڵی ٢٠٢٥. بەڵام لەگەڵ ئەوەشدا نزیکەی ٨٧ هەزار فەرمانبەری تر هەن کە پێک هاتوون لە ماموستایانی گرێبەستی وەزارەتی پەروەردەو وەزارەتی خوێندنی بالا و فەرمانبەری گرێبەست لە وەزارەت و فەرمانگەو سەرۆکایەتیەکان کە مووچەیان لە سەر بە داهاتی ناوخۆی هەرێمەو مانگانە پێویستیان بە نزیکەی ( ٤٢ ) ملیار دینارە و حکومەتی فیدرال مووچەیان بۆ دابین ناکات. ٤- تەمویلی راستەقینەی پارەی مووچە (صافي مبلغ الراتب) مانگانە جياوازه له كۆی شايستەی مووچە (الراتب المستحق)، له بەر ئەوەی مانگانە گۆرانکاری له كۆی پارەی لیستی مووچەدا هەیە ، ڕێژەی لێبڕینەکانی خانەنشینی و باج کەمانگانە لەلایەن وەزارەتی دارایی عێراقەوە لەکۆی تەمویلی مووچە دەبڕدرێت، بەهۆی گۆڕانکاری لە بارودۆخی ڕۆژانەی فەرمانبەران و دابڕانی فەرمانبەران بەهۆی خانەنشینبونیان و دواتر داخڵ کردنەوەیان لەلیستی مووچە و مۆڵەتی دایکایەتی و مۆڵەتی بێ مووچەو هتد...

وەزارەتی دارایی و ئابووری؛ ژمارەی فەرمانبەران و مووچەخۆران و سودمەندانی حکومەتی هەرێم لەسەر ئاستی وەزارەت و دەستە و سەرۆکایەتیەکان و پارێزگاکان بڵاوکردەوە لەچوارچێوەی بڵاوکردنەوەی پەرتووکی کارو چالاکی و چاکسازییەکانی وەزارەتی دارایی لە ساڵی ( ٢٠١٩ تا ٢٠٢٥ ) کە ناوەڕاستی ئەم هەفتەیە بەفەرمی بڵاوکرایەوە، لەناوەرۆکی پەرتووکەکە بە داتاو زانیاری و گرافیک ژمارەی تێکڕای میلاکی فەرمانبەران و مووچەخۆران و سودمەندانی هەرێمی کوردستان لەسەر ئاستی وەزارەت و فەرمانگەو دەستەو سەرۆکایەتیەکان و دابەشبونیان لەسەر ئاستی پارێزگاکان خراوەتە ڕوو، کە تەمویلی مووچەی مانگانەیان لەحکومەتی فیدراڵەوە خەرج دەکرێت، هاوکات بەخشتەیەک سەرجەم داتاو زانیاری ئەو فەرمانبەرانەش خراوەتە ڕوو کە مانگانە لەسەر داهاتی ناوخۆ مووچەیان بۆ خەرج دەکرێت. چەند تێبینی و بەرچاو ڕونیەک لە سەر خشتەکانی دابەشبونی مووچەخۆران و بڕی تەمویلی مانگانەیان. ١- بونی دامەزراوە سیادیەکانی وەک سێ سەرۆکایەتیەکەو وەزارەتەکان و دەستەکان لە پارێزگای هەولێر وەک پایتەختی هەرێمی کوردستان، هۆکاری بەرزی ڕێژەی فەرمانبەرانە لەو پارێزگایە. ٢- میلاکی فەرمانگە و وەزارەتە سیادیەکان لەگەڵ هێزەکانی پێشمەرگە و خانەنشینی پێشمەرگە لە پارێزگای دهۆک وەکو میلاک لەسەر پارێزگای هەولێر هەژمارن بەڵام دانیشتوی پارێزگای دهۆکن بۆیە ژمارەی فەرمانبەرو مووچەخۆر لە پارێزگای دهوک کەمترە ، بە هەمان شێوە لە پارێزگای هەلەبجەش هەروایە. ٣- جگە لە ژمارەی فەرمانبەرو مووچەخۆرو وسودمەندان کە ژمارەیان ( ١،١٩٠،٣٩١ ) کەسە، تەمویلی مووچەی مانگانەیان زیاتر لە ( ٩٤٥ ) ملیار دینارە تا کۆتایی ساڵی ٢٠٢٥. بەڵام لەگەڵ ئەوەشدا نزیکەی ٨٧ هەزار فەرمانبەری تر هەن کە پێک هاتوون لە ماموستایانی گرێبەستی وەزارەتی پەروەردەو وەزارەتی خوێندنی بالا و فەرمانبەری گرێبەست لە وەزارەت و فەرمانگەو سەرۆکایەتیەکان کە مووچەیان لە سەر بە داهاتی ناوخۆی هەرێمەو مانگانە پێویستیان بە نزیکەی ( ٤٢ ) ملیار دینارە و حکومەتی فیدرال مووچەیان بۆ دابین ناکات. ٤- تەمویلی راستەقینەی پارەی مووچە (صافي مبلغ الراتب) مانگانە جياوازه له كۆی شايستەی مووچە (الراتب المستحق)، له بەر ئەوەی مانگانە گۆرانکاری له كۆی پارەی لیستی مووچەدا هەیە ، ڕێژەی لێبڕینەکانی خانەنشینی و باج کەمانگانە لەلایەن وەزارەتی دارایی عێراقەوە لەکۆی تەمویلی مووچە دەبڕدرێت، بەهۆی گۆڕانکاری لە بارودۆخی ڕۆژانەی فەرمانبەران و دابڕانی فەرمانبەران بەهۆی خانەنشینبونیان و دواتر داخڵ کردنەوەیان لەلیستی مووچە و مۆڵەتی دایکایەتی و مۆڵەتی بێ مووچەو هتد... ی.س

کارکردن لە پڕۆژەی دووسایدی زەڕایەن - دەربەندیخان بەردەوامە

کۆمپانیای بێشکان جێبەجێکاری پڕۆژەی دووسایدی زڕایەن - دەربەندیخان بڵاویکردووەتەوە نووسیوویەتی بەدرێژای ڕێگاکە لە کۆتایی دووسایدی گوندی میرەدێ تاوەکو تونێلی دەربەندیخان کاکردن لە زۆربەی بڕگەکان دەکرێت. ی.س

لەماوەی هەشت ساڵی ڕابردوو ئەمساڵ زۆرترین بڕی باران باریوە

بەپێی ئامارەکانی کەشناسی لەبەڕێوەبەرایەتی کشتوکاڵی شارەزوور بڕی باران بارین لەماوەی هەشت ساڵی ڕابردوو لەشارەزوور جیاواز بووە. باشترین ساڵ بۆ باران بارین لەم هەشت ساڵەدا ئەمساڵ بووە بڕی 1153.6 ملیم باریوە، خراپترین ساڵیش بۆ باران بارین ساڵی 2021 بووە تەنیا بڕی 318.2 ملیم باران باریوە ① ساڵی 2019 بڕی 1037 ملیم باریوه ② ساڵی 2020 بڕی 522.1 ملیم باریوه ③ ساڵی 2021 بڕی 318.2 ملیم باریوە ④ لەساڵی 2022 بڕی 326.9 ملیم باریوە ⑤ ساڵی 2023 بڕی 556.3 ملیم باریوە ⑥ ساڵی 2024 بڕی 766.4 ملیم باریوە ⑦ ساڵی 2025 بڕی 359.2 ملیم باریوە ⑧ ساڵی 2026 بڕی 1153.6 ملیم باریوه ی.س

سبەینێ تاقیکردنەوە گشتییەکانی پۆلی دوازدەی ئامادەیی دەستپێدەکات

بڕیارە سبەینێ یەکشەممە ڕێکەوتی 2026/6/14 تاقیکردنەوە گشتییەکانی خولی یەکەمی پۆلی دوازدەی ئامادەیی لەهەرێمی کوردستان دەستپێبکات. تاقیکردنەوەکان ڕۆژانە کاتژمێر 7:30 بەیانی دەستپێدەکات. بەپێی ئامارەکانی لەسنوری بەڕێوەبەرێتی پەروەردەی شارەزوور 712 خوێندکاری پۆلی دوازدەی زانستی لە 11 هۆڵ و 323 خوێندکاری پۆلی دوازدەی وێژەیی لە 5 هۆڵ بەشداری تاقیکردنەوە گشتییەکان دەکەن. لەسەر ئاستی هەرێمی کوردستان 88116 هەزار خوێندکاری پۆلی دوازدەی زانستی، 26431 هەزار خوێندکاری وێژەیی، 2595 هەزار خوێندکاری پیشەیی مافی بەشداریان لە تاقیکردنەوە گشتییەکان هەیە. ی.س

کارکردن لەپڕۆژەی دووسایدی زەڕایەن - دەربەندیخان بەردەوامە

کۆمپانیای بێشکان جێبەجێکاری پڕۆژەی دووسایدی زەڕایەن - دەربەندیخان ئەم وێنانەی بڵاوکردووەتەوە نووسیویەتی کارکردن لە پڕۆژەکە بەردەوامە ی.س