چەند ڕێنماییەکی گرنگ بۆ ڕۆژوانان

لەگەڵ ھاتنی مانگی رەمەزاندا پێویستە چەند رێنماییەک ھەیە جێبەجێیان بکەین بۆ ئەوەی رۆژەکانی مانگی رەمەزان تەندروست و پڕ چالاکی بێت.لەوانە:

١ – پێویستە کاتی نانی ئێوارە بەتەواوی تێرنەخۆیت، بۆ ئەوەی لەنێوان نانی ئێوارەو پارشێو بتوانی چەند شتێکی سوک بخۆیت

.٢ – دواخستنی نانی پارشێو تا درەنگ، بۆ ئەوەی برسێتی و تونێتی کەمبکەیتەوە.

٣ – ئاوو شلەمەنی زۆر بخورێت لەنێوان نانی ئێوارەو پارشێو.

٤ – لەخواردنی شەربەتی شیرین خۆت بەدوربگرە، چونکە تونێتی زیاد دەکات.

٥ – میوە زۆر بخورێت، چونکە بڕێکی زۆر ئاوی تێدایەو قەرەبووی ئەو ئاوە ئەکاتەوە کە لەکاتی رۆژوگرتندا لەدەستی دەدەیت

.٦ – کەمکردنەوەی خوێ و بەھارات و جۆرەکانی، چونکە سەرباری زیانی تەندروستی، تونێتیش زیاد دەکات.

٧ – دوای نان خواردن بەسەعاتێک جۆرێک لە چالاکی ئەنجامبدە وەک رۆیشتنی ھێواش.

٨ – پێویستە نانی ئێوارە بەدەنکێک خورماو ئاو یان شیر دەست پێبکەیت، لەگەڵ کەمێک شۆربا پێش ئەوەی ژەمی سەرەکی دەست پێبکەیت.

٩ – خۆت بەدوربگرە لەخواردنی ئاوی سارد، چونکە بەخواردنی دوای تونێتی رۆژ، زیان بەدیواری گەدە ئەگەیەنێت.

١٠ – دوای نانی ئێوارە مەخەوە، چونکە سەرباری زیانی تەندروستی دەبێتەھۆی تەمەڵی

ماڵپەڕى زەڕایەن نیوز