ئەندرۆید (Android) چییە؟
ئەندرۆید ( Android ) ناوی ئه‌و سیسته‌مه كراوه‌یه
( Open Source ) كه بۆ مۆبایل و تابلێت و هه‌ندێك ئامێری دیكه‌ی وه‌ك ته‌له‌فیزیۆن
و كامێراش دروست كراوه . ئەندرۆید له سه‌ر بنچینه‌ی لینوكس بنیات نراوه . گووگڵ
له ساڵی 2005 كۆمپانیای ( Palo Alto ) كە لە ویلایەتی كالیفۆرنیا
بوو ، كڕی . كە لە ساڵی 2003 لە سەر دەستی چەند شارەزایەك دامەزرابوو ( Andy
Rubin ، Rich
Miner ، Nick
Sears ، Chris
White ) . ئەم
كۆمپانیایە لە بواری گرینگیدان بە بەرهەمهێنانی پرۆگرام لە بواری مۆبایل دا كاری دەكرد
. ئاندی رۆبین كە بەڕێوەبەری كۆمپانیای ناوبراو بوو ، لە دوای كڕینی كۆمپانیاكە لە
لایەن گووگڵەوە ، رۆبین بوو بە بەڕێوەبەری ئەندازیاری پرۆژەی ئەندرۆیدی كۆمپانیای گووگڵ
. گروپی بەڕێوەبەرانی ئەم پرۆژەیە ( ئەندرۆید) بە ڕابەرایەتی ( رۆبین ) دەستی بە كارەكانی
خۆی كرد بە مەبەستی بەرهەمهێنانی سیستەمێك بۆ مۆبایل . ئەوە بوو لە تشرینی دووەمی
2007 لە كۆنفراسێكی كۆمپانیای گووگڵ پرۆژەی ( Open
Handset Alliance
) یان خستە ڕوو . كە بریتی بوو لە 34 كۆمپانیای چالاك لە بوارەكانی دورست كردنی پرۆگرام
، دروست كردنی ئامێری مۆبایل ، ئۆپراتۆرەكانی هێڵی مۆبایل ، بەرهەمهێنەرانی ( پرۆسێسەر
)، ئەندامانی ئەم پرۆژە یەكگرتووە بوون . لە نێوان ئەو كۆمپانیایانەدا كۆمپانیا گەورەكانی
وەك ( سامسۆنگ ) ، ( ئێڵ جی )،( مۆتۆرلا )، ( ئێچ تی سی )، ( تی مۆبایل )، ( ئینتێڵ
)، ( ئێن ڤیدیا )، (Texas Instruments) ،(
Qualcomm ) ،( Sprint Nextel ) ،(eBay.
یەكەمین مۆبایلی ئەندرۆیدی لە لایەن كۆمپانیای
( ئیچ تی سی ) و بە هاوكاری ( تی مۆبایل ) لە 22 ی تشرینی یەکەمی 2008 دروست كراو خرایە
بازارەوە . ( بەناوەكانی ” ئیچ تی سی دریم و تی مۆبایل و …
” ). لە 9 کانونی یەکەمی 2008 دا چواردە كۆمپانیای بواری بەرهەمهێنانی مۆبایل پەیوەندیان
كرد بەم پرۆژەوە ( Open Handset Alliance). لەوانە ( سۆنی ئیریكسۆن
) , ( تۆشیبا ) ، ( ئەیسوس )، ( هواوی ) ، …
واتای ( ِAndroid ) بەو ئامێرە دەوترێت كە
شێوەی وەك مرۆڤە زیاتر ( رۆبۆت ) ، واتە لە لایەن كۆمپیوتەرێكەوە كۆنترۆڵ دەكرێت .
تایبەتمەندیەتی ئەندرۆید :
هەموو تەكنەلۆژیەكانی پەیوەندی كردنی وەك
( gsm ) , ( Bluetooth ) ، (
wifi ) ….
، پشتیوانی دەكات .
ئاندرۆید فایلەكانی (MPEG-4,
H.264, MP3, AAC, AMR, JPEG, PNG, GIF ) پشتیوانی دەكات .
پشتیوانی لە ( SMS
, MMS , XMPP ) دەكات
.
وێبگەر لە سەر بنچینەی ( open
source ) webkit پەرە پێدراوە .
ئەندرۆید بۆ هەڵگرتنی داتاو زانیاریەكان SQLite بەكار دەبات .
پشتیوانی لە (mp3,
aac , ogg , amr , midi , mpeg4 , wav , bmp , gif , png , jpg ) دەكات .
هەروەها بۆ پەخش كردنی فایلی دەنگ و ڕەنگ دەتوانرێت
سود لە تاگەكانی html5 وەربگیرێت ، لەگەڵ تەكنەلۆجیای Adobe
Flash Streaming
. ( هەڵبەتە پشتگوێی خستووە ئێستا! ).
::: سەرچاوە: سایتی وێبچین