میسی و ڕۆناڵدۆ و نیمار پاڵیوراوی باشترین یاریزانی جیهانن
ماڵپەڕی فەرمی یەکێتی تۆپی پێی نێودەوڵەتی 'فیفا' لیستی کۆتایی پاڵێوراوەکانی بۆ خەڵاتی باشترین یاریزانی جیهان ڕاگەیاند.
وەکو پێشبینی دەکرا، هەریەک لە لیۆنێل مێسی ئەستێرەی یانەی بەرشلۆنە و کریستیانۆ ڕۆناڵدۆی ئەستێرەی یانەی ڕیال مەدرید لە لیستی کۆتاییدا مانەوە، بەڵام ئەمجارە ڕکابەری سێیەمیان 'نێمار دا سیلڤا'ی کاپتنی هەڵبژاردەی بەرازیل دەبێت.
لە ئێستادا تەنها ڕاگەیاندنی ناوی براوەی خەڵاتەکە ماوە کە بڕیارە ڕۆژی ١١-١-٢٠١٦ لە ئاهەنگێکدا لە وەڵاتی سویسرا ڕابگەیەنرێت.
ی.س