چوار میوەی بەسوود بۆ دابەزاندنی کێش
دەتوانن لەم وەرزەدا سوود لە هەندێك جۆری میوە وەربگرن بۆ دابەزاندنی كێشتان ، هاوكات ئەم میوانە سودیان بۆ تەندروستی زۆرە .
1-هەنار : سوودەكانی هەنار بێئەندازەیە بڕێكی باش ڕیشاڵ لە پێكهاتەیدا هەیە و هەستكردن بە برسێتی كەم دەكاتەوە ، باشتر وایە بەیانیان و پێش خواردنی ژەمەكان ئەم میوەیە بخۆن بۆ ئەوەی هەست بە برسێتی نەكەن و ئارەزووی نانخواردن كەم ببێتەوە .
2-هەرمێ : هاوشێوەی سێو سوودی بۆ تەندروستی هەیە دەوڵەمەندە بە پەكتین ، چەوری ناو خوێن كەمدەكاتەوە و ئارەزووی نانخواردن كەمدەكاتەوە .
3-سێو : لە زۆرینەی پرۆگرامەكانی ڕێجیم سێو یەكێكە لە میوە دیاریكراوەكان بۆ دابەزاندنی كێش ، كالۆری پێویست بە جەستە دەدات و ئارەزووی نانخواردن كەمدەكاتەوە .
4-سندی: ئەم میوەیە دەوڵەمەندە بە ڤیتامین و پێكهاتە بەسوودەكان بۆ جەستە و چەوری ناو جەستە ڕێكدەخات ، دەتوانیت ئەم میوەیە لە ئامادەكردنی زەڵاتەدا بەكاربهێنیت .
ی.س